Cila është më e mirë për humbjen e peshës: Vrapi apo kërcimi me litar? Ja ç’thonë ekspertët

Kur bëhet fjalë për humbjen e peshës, qëndrueshmëria është thelbësore – dhe shpesh, kjo do të thotë të gjesh stërvitjen më të thjeshtë, më të përshtatshme dhe më të përballueshme të mundshme, për të mos patur probleme dhe mbi të gjitha për t’u stërvitur me qejf dhe dëshirë. Dy mundësi të shpeshta? Vrapi, i cili kërkon vetëm disa atlete dhe rrugë të hapur dhe kërcimi me litar. Por a është njëra mënyrë më efektive se tjetra për humbjen e peshës?

Vrapi mund të duket si standardi i artë për kardio – dhe është e vërtetë që do të forcojë zemrën dhe mushkëritë, duke ju rritur durimin, gjë që mund t’ju ndihmojë të ndiheni më me energji gjatë gjithë ditës. Por në mënyrë që vrapi të jetë efektiv për humbjen e peshës, “ai gjithashtu duhet të plotësohet me një formë të trajnimit për forcën”, thotë për PopSugar, Sierra Carter, një trajnere personale. Stërvitja për forcë ndihmon në ndërtimin e muskujve dhe muskujt djegin më shumë kalori.

Sigurisht, e njëjta gjë vlen për çdo stërvitje kardio, përfshirë kërcimin me litar – por kërcimi me litar ka një avantazh që vrapi nuk e ka. Ushtrimet me litar hidhen natyrshëm në kategorinë e trajnimit me intensitet të lartë (ose HIIT), e cila është tepër e efektshm për djegien e dhjamit. Kjo, sepse ndryshe nga vrapi, i cili zakonisht përfshin të punosh për periudha më të gjata me një rrahje zemre të ngritur (por të qëndrueshme), kërcimi me litar kërkon që ta shtysh veten më shumë në shpërthime të shpejta të aktivitetit – gjë që ju lejon të digjni më shumë kalori në një kohë më të shkurtër, sipas dietologes Gabby Barreto. Djegia e kalorive është emri qëllimi kur doni të humbni peshë. Shtoni një litar kërcimi me peshë dhe do të merrni edhe më shumë përfitime.

Në fund të fundit, sidoqoftë, humbja e peshës është një matematikë e thjeshtë, pavarësisht nga stërvitja që zgjidhni. Gjëja më e rëndësishme që njerëzit duhet të kuptojnë për humbjen e peshës është ushqyerja. Nëse nuk po hani me një deficit kalorish, nuk do të keni humbje peshe.

Nuk ka rëndësi nëse vraponi, hidheni me litar apo bëni ndonjë lloj tjetër kardioje. Në tërësi, ndikojnë një tërësi faktorësh si gjumi, stresi dhe më e rëndësishmja, ajo që u tha më lart: një deficit kalorish, gjithmonë duke ushqyer shëndetshëm. Prandaj, zgjidhni stërvitjen që ju pëlqen më shumë, dhe përqendrohuni në ruajtjen e një stili jetese sa më të shëndetshëm, në mënyrë që të arrini qëllimet tuaja.

 

Artikuj të ngjashem

Instagram

Më të lexuarat