E RËNDË/ U tremb nga infektimi me COVID! 24-vjeçari hidhet nga kati i tretë i spitalit në Elbasan (video nga vendngjarje)

Një 24-vjeçar, me iniciale H.P., i infektuar nga pandemia e koronavirusit është hedhur nga kati i tretë i spitalit rajonal të Elbasanit. Burime kanë bërë me dije detaje lidhur me ngjarjen, e ndodhur pasditen e sotme, ndërsa mësohet se i riu ndodhet jashtë rrezikut për jetën.

Shkak i ngjarjes së rëndë u bë marrja e konfirmimit se i riu ishte pozitiv me COVID-19, lajm që nuk e ka pritur mirë duke ndërmarrë edhe aktin e rëndë. Ai kishte shkuar bashkë me të atin në spital për të konfirmuar diagnozën, dhe në një moment është shkëputur duke u hedhur nga kati i tretë.

Menjëherë ai është marrë me ambulancë dhe i është dhënë ndihma e parë shëndetësore, duke i shpëtuar edhe jetën. Mësohet se gjendja aktuale e të riut nuk paraqitet shumë e rëndë, ndërsa po i bëhet skaneri për të verifikuar nëse ka dëmtime në kokë.

Fenomeni i vetëvrasjes i të infektuarve nga pandemia e koronavirusit në vendin tonë është kthyer në një fenomen shqetësues. Në Tiranë pesë persona kanë humbur jetën pasi janë hedhur nga spitalet ku ishin shtruar.

Artikuj të ngjashem

Instagram

Më të lexuarat