Disa punë shtëpie të pakuptimta, me të cilat nuk duhet ta harxhojmë kohën

Shkencëtarët kanë llogaritur se na duhen gati 2 orë në ditë për të pastruar, gatuar, larë enët dhe për të rregulluar gjëra të tjera nëpër shtëpi.

Por këtë kohë të çmuar mund ta kaloni në detyra të tjera më interesante. Ne e urrejmë kur gjërat janë rrëmujë, por mendojmë se jeta është shumë e shkurtër për ta shpenzuar në pastrim.

Dhe shumë punë shtëpiake mund të bëhen më rrallë sesa i bëjmë ne, disa janë krejtësisht të pakuptimta.

1. Të ecësh nëpër shtëpi me një furçë dhëmbësh për të pastruar vijën mes pllakave është e pakuptimtë. Para pastrimit, ato ishin po njësoj pis dhe dukeshin disi normale. Por çfarë ndodh nëse i pastroni ato? Disa prej tyre do të jenë krejtësisht të pastra dhe të tjerat pis. Defektet që vështirë se i vërenim më parë tani do të jenë të dukshme. Përveç kësaj, do të kaloni shumë kohë duke i pastruar dhe do të lodheni vërtet. Në vend që t’i pastroni çdo ditë, është më mirë t’i mbuloni ato vija me një sealant, një herë në vit ose fërkoni një qiri në to.

2. Në mënyrë që të mos ngjitet ushqimi te tiganët e gizës, ju duhet t’i përdoren më shpesh dhe t’i spërkatni me vaj në vend që t’i lani çdo herë. Në shumicën e rasteve, mjafton t’i hiqni mbetjet e ushqimit me letër, hidhini pak vaj dhe vendoseni diku. Nëse tava është vërtet pis, mund ta lani, por mos harroni ta thani se do të zërë ndryshk.

3. Palosni me kujdes të brendshmet dhe mbajini veç gjërave të tjera

4. Larja e sobës dhe furrës së gatimit pas çdo përdorimi është e kotë. Njollat hiqen lehtësisht me leckë të lagur. Një herë në javë, ose ne muaj lajini me detergjent. Detergjentet agresive të pastrimit mund t’i prishin sipërfaqet, prandaj është më mirë të mos i përdorni fare. Ju mund ta lani furrën vetëm 3 deri në 4 herë në vit pasi ushqimi nuk bie në kontakt me sipërfaqet dhe temperatura e lartë shkatërron shumicën e baktereve.

5. Mobiliet lyejini vetëm dy herë në vit dhe fshijeni sipërfaqen me leckë të lagur me ujë dhe jo detergjente të fuqishme që i heqin lustrën, ndaj dhe ju detyroheni t’i lyeni shpesh

6. Mesatarisht, duhet t’i lajmë perdet një herë në 6 muaj, por jo më shumë se kaq, siç bëjnë shumë familje. Nëse nuk keni kafshë shtëpiake, ose nëse nuk i hapni dritaret shpesh, perdet mund të qëndrojnë të pastra për një kohë më të gjatë. Larja shumë shpesh mund t’i prishë ngjyrën perdeve. Mund t’i pastroni me avull.

7. Nuk keni pse lani çdo ushqim. Larja nuk do ta bëjë ushqimin më të pastër, por ka një shans të madh për t’i infektuar me patogjenë nga lavamani dhe sipërfaqet e tjera. Nuk ka nevojë ta lani mishin. Uji nuk do t’i largojë mikrobet dhe bakteret, temperaturat e bëjnë këtë. Kërpudhat fshijini me pecetë letre, uji do t’i prishë shijen.

8. Imagjinoni sa e lehtë do të ishte jeta juaj nëse blini materiale që nuk kanë nevojë për hekurosje si: xhins, material elastik, lesh, lesh kashmiri.

9. Edhe peshqirët e pastër që përdorim për të fshirë enët kanë mikrobe. Lërini enët të thahen vetë!

Artikuj të ngjashem

Instagram

Më të lexuarat